الأحد، 19 ديسمبر 2010

على فكرة أنا ابن بلد ومدءدء ( الحمد لله )



اتسائل في بعض الأحيان ماذا لو كنت ابن عائلة ثرية ( يعني من الآخر دادي راجل مريس عالآخر ) وعندي بدل العربية اتنين وعايش في حتت قصر اوبااااا ميخطرش على بالك وعندي ملعب وحمام سباحة ( اوعى وشك , عايز اشوف كائن يقرب من حمام السباحة .....هعمل ايه , هزقو في المية عادي يعني ) :) عيييييييييب انت الكبير برضو يا واد يا محمد ما علينا .

كان هيبقى اسمي لؤي , مسقط البنطلون , لابس سلسلة , عندي تاتو على دراعي ( وفي عدة اماكن متفرقة لا احب ان اطيل عليكم الآن في مواقعها بالظبط ) , راكب مع مي العربية الفيراري بتاعتي وفاكسين لمحاضرات الجامعة , ممممم اند احنا مومكين نيجارب ناكل اكلة لوكل كدة ممممم اسمها كوشاري وااااااو على فيكرة بئى دي سوووووو جامدة موووت يابني اخر تاااالت هااجاات .

وفي الآخر همسك شركة من بتوع دادي اتمرن فيها شوية وبعدين امسك المجموعة كلها .

واتسائل ايضا ماذا لو كنت اعيش في وسط فوق خط الفقر بمراحل بسيطة ( يعني ابويا راجل على قد حاله وانهردة ناكل جبنة بكرة ناكل فول واللحمة كائن لا نراه الا مرة في الاسبوع ) بركب مواصلات عايش في عمارة قايلة للسقوط .

كان هيبقى اسمي حسن , لابس بنطلون من 5 سنين , حاطط حظاظة في اديا , السجارة في بقى ماشي مع البت حنان بنت عم بكر احسن واحد عندو عربية كبدة فيكي يا منطقةةةةةةةةةةةةةة , اخلع انا وهي قبل ما ابوها يشوفنا وافسحها في توك توك العاصمة ,واخدها نضربلنا اتنين حمص عالنيل بس حاجة اييه برنسة .

وفي الآخر هشتغل بياع في محل من المحلات ولو اثبت نفسي ممكن صاحب المحل يخليني امسكه .

واحينا اخرى افكر ماذا لو كنت اعيش في وسط تحت خط الفقر بمراحل كبيرة ( يعني ابويا ساب امي علشان مش هيقدر يصرف عليا وانا وامي كل يوم طالع عنينا في الورشة علشان نجيب لقمة صغيرة تكفي لوجبة واحدة في اليوم ) بمشي ساعات او بركب عربية نص نقل علشان معيش اجرة تكفي عايش في منطقة عشوائية لا يوجد حمام ولا مطبخ بل هو حمام واحد للمنطقة وقاعدين مع معارفنا من بلدنا عشان معندناش مطرح نقعد فيه .

كان هيبقى اسمي دومة , لابس قميص لقيته في الشارع خيطته ولبسته , بشرب سجاير من وانا عندي 10 سنين مقضيها مع بهية بنت الحجة نعمة بنسرح انا وهي بليل عالاشارة عشان نجيب حق سندوتشين فول وطعمية نشبرق بيهم نفسنا وننط على سوور السيما المفتوحة عشان نشوفلنا فيلم .

وفي الاخر هشتغل تباع لعم سيد .

بس لسة انهردة مفكر طب لو كنت انا عايش في افغانستان وبيتي واسرتي اتضربو وهدومي مسكت فيها النار والبلد اتدمرت والجو برد وساقعة وانا عربان وقاعد عالارض ماسك رجليا الاتنين وحاطط راسي في وسطهم تفتكر هل لو انت ده ................ ؟؟؟؟ هتقدر تعيش , هتقدر تستحمل , هتاكل سندوتش الفول اللي مكنش عاجبك ؟؟؟ .... هتشوف الزفت هتاكلو من الجوع وللا لا ؟؟؟؟

((((((((( الـــــــــــــــــــــــــــــــــــــــــــــــــــــــــحـــــــــــــــــــــــــــــــــــمــــــــــــــــــــــــــــــــــــد لـــــــــــــلـــــــــــــــــه))))))))))

كلمة مهما كنت مين في دول لازم تقولها حتى لو مكنتش واحد في دول بس في وسط طبقتين من دول قول الحمد لله انت مخلط بين كل الطبقات قول الحمد لله ............عارف لو انت اخر واحد في دول وعايش في البرد ممكن تجيلك طيارة هليكوبتر تجبلك معونة وتاخدك تنيمك عندهم لغاية ما يساعدوك ..... مش ممكن ؟ كل شيء واااااااااااااااارد
الحمد لله .

ملحوووووووظة : انا لما اتكلمت عن اسامي او صفات الناس دول اشخاص لابد من وجودهم في وسطنا في المجتمع وانا لا اقصد اي شخص بعينه واذا كنت قد تحدثت عن طبقة بسوء فهذا غير مقصود وانا قلت ان ممكن تكون الطبقات دي مخلطة وشخص يكون فيه من كل طبقة صفة .

بس خلي بالك في ناس عندها نعمة ومش واخدة بالها وشكلهم كدة عايزين يجو عندنا علشان يدونا شوية من النعمة دي ومن الاخر (( انا ابن بلد ومدءدء ))

الأحد، 12 ديسمبر 2010

عمااار يا مصر ( البيض الأبيض )




مرحبااااااااااااااااااااااااااااااااااااااااااااااااااااا

:) :) :) :)

تنتن تنتن ( جرس الباب )
الزمان : 9 بليل
المكان : بيتنا المتواضع

ميييين :) ( لازم اعيشكو في جو ساسبنس )

فتحت الباااااااااااااااااااااااااااااب يا مااااااااااااااماااااااااااااااااااااااااااااااااااااااااااااااااااااااااااا ( رية وسكينة ) ( اتنين ستات واحدة منقبة والتانية لابسة ايشارب )

ردت عليا اللي لابسة ايشارب اسود :) احنننننااااا المكتب مدااام (.....) موجودة يا شاااااااااب ( طبعا من غير يا شاب )

رديت وظاهر عليا ملامح ( انا مش فاهم حاجة ) اه ...... لا ...... الحجة مامتها هي اللي هنا تنفع ؟! .! ..!


دخلت ندهت لتيتا ودخلتهم عقبال ما تيتا تيجي الست اللي بتكلمني قالت سلام عليكم ودخلت والمنقبة فضلت مبحلقة فيا بطريقة غريبة وفجأة وبدوون سابق انذار ( مرحباااااااااااااااااااااااا ) نعم ؟!؟!؟؟!!!! ...!؟ .! مرحبا الصوت ده جي منين يا ناس في حد خليجي دخل هنا وانا مش عارف اصل مش معقول يجي من الست دي ....!؟؟!
ماا علينا ما علينا ( كلكو عايزين تعرفو مال البيض الأبيض بالموضوع ثواني وكلو يبقى واضح متستعجلش على رزقك )

يا اخواننا دي مفروض اللي هتشتغل مع تيتا وتخلي بالها منها وتعملها الأكل وكدة :) بس يا فرحة ما تمت (اردنية ) ( طبعا مع احترامي لاخوانا في الاردن عشان انا بحب الاردنيين جدا بس صدقوني الموضوع ملوش دعوة بأي تصنيف دولي الموضوع أكبر من كدة .

اوك ايه المشكلة بقى يا عم الرغاااااي ؟؟ بص يا سيدي صلي عالنبي ( عليه الصلاة والسلام ) الاخت كانت منقبة فجأة بقت محجبة وبدون سابق انذار بقت لابسة ايشارب ونص كم يا سبحاااان الله
عايزين بقى نطلبلها طلباتها اليومية علشان متقدرش تقعد من غيرها يوم واحد خد عندك يابني ( نص كيلو بودرة حمرة مطحونة كويس 4 اقلام كحل علشان يكفي عنيها صباع رووووووووووووووج عشان بتاكل اتنين كل يوم ) وابقى عدي علينا بكرة علشان تجيب نفس الطلبات لأنها بتخلص في يوم واحد .

اتصلت بوالدتي العزيزة التي تعيش هي وابي بالمملكة العربية السعودية واقطن انا وجدتي هنا في منزلنا المتواضع

ماماااااااااااااااااااااااااااااااااااااااااااااااااااااااااااااااااا الحقينيييييييييييييييييييييييييييييييييييييييييييييييي :) دي بتاكل الروج يا ماما بتاكل الروج

صباح الخير انهردة كان اول يوم فطار بقى معاها عملتلي طبق فول ميشبعش بنت خالتي الصغيرة و3 بيضات (ستوووووووووووب دي قصة لوحدها )

مكونات البيض الاومليت على الطريقة النهاهية ( اسمها نهى )
تحط البيض في طبق وتحط عليه رشة خفيفة جدا ملح ونص كيلو فلفل اسود وبعدين تروح صباهم في الطاسة وبعد ما تصبهم في الطاسة تحط زيييييييت :) ده الاومليت وطبعا اوعى تضرب البيض علشان ميزعلش منك .

انا معرفتش هو ازاي اتعمل الا بعد ما شفتو بصو يا جماعة الطبيعي ان الاوملين لونو بيكون اصفر :) ده كان لونه ابيض غامق ومنقط اسود . حسبي الله ونعم الوكيل , عاااااااااااااااااااااااااااااااا .

ملحووظة : اوعو تفتكرو ان انا لما قلت عليها منقبة وبعدين بقت ماشية في البيت اكنو بيت ابوها ان انا بقول حاجة عالمنقبات دوول احسن نااااس على فكرة بس الاخت دي ملهااااش علاقة بالمنقبات اصلا لأنها اقل حاجة كانت هتعرف حدود ربنا وانا بحترم المنقبات جدا واوعو حد يطلع ويقولني كلام انا مقلتوش لأن في الأول والآخر انا بحكي حاجة حصلت مش بألف من دماغي

ملحوظة 2 : اكتشفتها بليل :) الاخت الفاضلة :) بتشرب سجاير .

إنا لله وإنا اليه راجعون فعلا صدق اللي قال عمااااااااااااااااااااااااااااااااار يا مصر

الثلاثاء، 30 نوفمبر 2010

قوليلي اسيبك لمين




اهاجر واسيبك لمين ولسة صبية ونيلك حزين ولسة لبكرة مليكي الحنين اسيبك لمين , ومين راح يرد لتاريخك صباه ويمشي طريقك لآخر مداه ومين من حياتو يجبلك حياة ومين راح يكبر في وقت الصلاة ومين يبقى مغرم بحبك صبابة ومين يحمي طيبتك يا أم الطيابة ومين يبقى ظلة في شمس الغلابة ومين يبقى شوكة في حلق الديابة اسيبك لميييييييييييييييييييييييين

قوليلي مين اللي هيبني فيكي ويحمي أرضك ويطور فيكي ويعيش ويتعايش مين قوليلي مين ؟؟؟؟

يا بلدي ملكيش غيرنا وملناش بلد غيرك مين اللي هياخدنا في احضانو غيرك يا بلدي مين ؟؟؟؟؟

قالولي سيبها قلتلهم واسيبها لمين قالولي هاجر وكبر يا عم هي كانت عملتلك حاجة ما انت مش فارق معاها قلتلهم واسيبها لميين
قالولي اشتغل برة عشان تعرف تعيش قلتلهم واسيبها لمين ؟؟؟؟؟
قالولي هتعمل فيها ايه يعني قلتلهم هرجع التاريخ وهمشي في الطريق لغاية الاخر وهديها من حياتي حياة وهكبر وقت الصلاة وهفدي حبها وهساعد الغلابة ومين اللي هيبقى شوكة في حلق كل شخص بيفكر يدمرها أو ياخدها اسيبها لميييييييييييين

لو قلتلي يا عم هو انت لوحدك يعني اللي هتحميها وهتقعد على تلها هقلكو لو انا الشاب الصغير اللي لسة مبدأت حياتي سبتها وكل اللي زيي سابوها امال هنسبها لمين هنسبها للناس العواجيز اللي بصعوبة اصلا بيحمو نفسهم لما هيحمو بلد مظنش ...... وبرضو هكرر سؤالي طب نسيبها لمين مفيش بيبي سيتر حتى هيرضى يقعد معاها الناس الوحيدة اللي ممكن يرضو نسيبها معاهم هما الناس اللي عايزين ياخدوها عافية مننا علشان يدمروها ويخربوها .

احنا ولادك يا مصر ومفيش شعب ممكن يحميكي قد شعبنا بس انتي متنشفيش دماغك معانا ابوووووووووووس ايدك

ملحوظة : بحبها وهفضل احبها بحلوها ومرها غصب عن عين اللي خلفو اي حد عايزني اكرها :) :) :) :) :)

الاثنين، 25 أكتوبر 2010

أغلقت عينتاي


أغلقت عينتاي بعد أن ارتشفت من قهوتي ذات البن التركي العريق وتأملت في البساتين الخضراء التي يرسمها لي عقلي العميق وتمرجحت بكرسي وانا احملق في سماء الرحمن الرحيم , فقالت أيا حبيبي هل اعجبتك قهوتي ؟؟؟؟ نظرت إلى ثغرها المتبسم وقلت يا جوهرتي وهل يعجبني غير صنع يداك المليئة بالعنبر والريحان , نظرت إلي ورفعت حاجبها الأيمن الرقيق وقالت اتغازلني ايها العجوز العقيق , ضحكت حتى خرجت قهقهتي فلم أظن أنها بهذا الجمال البريق فنظرت إلى عيناها اللؤلؤتان والقلق في قلبي وقلت في حزن وأسى متى سأراك وابقى معكي ؟ أسأقضي حياتي في نوم عميق كي اراك كل ليلة واحتسي معكي الشاي والقهوة اللذان ليس لوجودهما طعم ولا لون , أشتقت لكي أشتقت لعينتيك اللتان لم أراهما الا في أحلامي وضحكتك التي تأخذ قلبي طائرا أياما وليالي , سأموت وتنتهي حياتي وأنا لم أرك بعد أستظلين مختبئة مني إلى اين وحتى متى. بكت بكت لؤلؤتاها ونظرت إلى عيني وهي حزينة ومنطوية وتكلمت بصوت ضعيف ستظل تعذبني هكذا كل ليلة وما انا الا قلبك وعقلك تهواني لأنك صانعي وتعشق في لأني خيالك , سيطر على مشاعرك فقد لا تراني ابدا واستبدلني بواحدة في عالمك فطالما أنت وحيد لن أتركك تمضي وحيدا وطالما لم يأذن لنا خالقنا بالحب الحقيقي المشاعر والاحاسيس فلن تستبدلني بانسية كانت أو جنية . فتحت عيناي فوجدتهما تدمعان وتأكدت أني لن أراها بعد الآن ............................................


الاثنين، 30 أغسطس 2010

كهربوك في كنكة ( خليك متأكد الجزء التاني )


وااااااسفاه وااااااحسرتااااه عااااااااااااااااااااا عااااااااااااااااا عااااااااااااااااااااا حسبي الله ونعم الوكيل ربنا ربنا عالمفتريييييييييييييييي عاااااااا :(
ان شاء الله ربنا مش هيسيب عبده الغلبااااان ده

بص يا سيدي انت وهو علشان متقولوش عليا عيل مجنون وبعيط من نفسي كدة , قاعد في امان الله وبكلم صحابي عالنت واذ فجأة بوووووووووووووو (النور قطع ) اشطة الدنيا بقت ضلمة بس اللابتوب لسة مفتوح عشان فيه بطارية فضل نص ساعة واتسحرت ومن ثم هيييييييييييييييه جه النور جه النور بوووووووووووووووو(قطع تاني بعدها بدقيقة) هييييييييييييييييييييه جه النور جه النور بووووووووو(قطع تالت بعد ثانيتين) اهو جه اهو جه خلاص تقريبا آخر م......( مكملتش الجملة راح بوووووووو قطع رابع ) عاااااااااااااااااا انتو يا ناس ياللي سايبين عيالكو يلعبو في الكهربا مش معقول كدة .


النور موجود وكل شيء تمام وقاعد عالنت تاني ورجعت بتكلم مع صحابي فجأة فسسسسسسسسس(اللابتوب فصل ) ابص عالكهربا الاقي الشاحن مش منور قلت هاهاهاهاها مش معقولة يا واد يا محمد بقى الشاحن مش شغال وانت مش واخد بالك اول مرة تحصل طيب اشطة رحت محرك الفيشة عشان ينور مفيش رحت شايل وحاطت تاني مفيش ( قطع نفس ) يبدو والله اعلم ان الجهاز باظ من الكهربا بس عقبال ما خد باله انو باظ خد وقت .

(حسبي الله ونعم الوكيل )

رحت لمهندس الصيانة قالي المذربوود اتحرقت قلت طيب الحمد لله بس الهارد اكيد شغال مش هيحصله حاجة رحت واخد الهارد وراجع البيت اجي اشغل الهارد ..........( قطعة خردة لا تعرف معنى الكهرباء) الهارد بقى صخرة ملهاش لزمة والحمد لله حياااااااااااااااااتي انتهت

1- تصميمات
2- فيديوهات عملتها وتعبت فيها اوي وبفتخر بيها
3- رسومات ثري دي لأول مرة اعملها كويس
4- برامج كنت عملتها مع الكلية ومبسووط اني عملتها وبفتخر بيها
5-صور ذكرياتي مع صحابي في المصيف
6- صور وفيديوهات وشغل الجمعية الخيرية اللي بشتغل معاها واللي ناس منها كتير معتمدين عليا في شغلهم
7- كل حاجة حلوة معملتهاش الا على اللابتوب ده وكنت بفكر من كام يوم انقل كل الحاجات دي علشان افضي الجهاز شوية
8- حسبي الله ونعم الوكيل وقدر الله وما شاء فعل

نتعلم ايه بقى تكملة لموضوع خليك متأكد اللي فات ان خليك متأكد انك لو جيت مصر هيكون في محاولات كتير لتبويظ كل اجهزتك علشان تشتري كل شوية اجهزة جديدة ويتخرب بيتك واقرب طريق للأجهزة هي الكهربا

ملحووووظة : كلنا نقف وقفة رجالة ونصفق تصفييق حار لجهود شركة الكهربا في انهم يوفرولنا في فاتورة الكهرباء
ملحوووووظة 2: البقاء لله لكل العماير اللي حولينا اللي حصل فيها حرايق كتيير بسبب موضوع الكهربا ده

الأحد، 18 يوليو 2010

خليك متأكد



اهلا وسهلا اهلا اهلا ايه يا جماعة فاكرين فاكرين انا زي دلوقتي كنت فين : انا كنت لسة جي مصر وبدور على كلية ادخلها
وجي اقول كلمة واحدة يا بشر خليك متأكد !!!؟؟!؟

خليك متأكد يا بني آدم ياللي جي من برة ان بلدك دي جميلة من جوة ومن برة يعني متقلقش من حاجة خالص بس عايز انبهك لشوية حاجات اخوك اتصدم فيها من ساعت ما جه وبصراحة العملية مش ناقصة صدمات :)

خليك متأكد انك لما توصل وتنزل من الطيارة هتكح بل خليك واثق انك لما تنزل بيك الطيارة هيتقلك كلمة حلوة اوي ويلكم تو ايجبت
كلمة ويلكم تو ايجبت دي بوابة جهنم عليك يا روح ... ( انا مش بخوفك بس بنبهك ) خليك واثق انك هتقف في الجوازات بتاعت المطار ساعة ونص وده طبيعي جدا لو مكنش اكتر خليك متيقن انك لما تاخد شنطتك من السير هتكون اما مفتوحة او مكسورة او لو معاك جركن مية زمزم هيتسرق .

خليك متأكد انك لما تطلع من باب المطار هتلاقي صهد وتراب غريب مع انك لو جي من الخليج فمفروض ان مصر اقل حرارة بس محدش قلك انها اقل غبارة خليك واثق انك لو ركبت تكسي من المطار هيتنصب عليك حتى لو خليتو يوصلك بس لبااب المطار من برة خليك متيقن ان التكس هيقعد يحكيلك قصة العيال ومراته اللي خانته او قصة الراجل اللي سرقه او قصة الكوبري اللي وقع على المشاه وهو لسة اصلا متبناش .

خليك متأكد يا ضنايا ان لو معندكش شقة وناوي تأجر يبقى مش هيفرق مالك الشقة عن سواق التكسي كتير برضو هينصب عليك أو هيحكيلك عن الشقة الفاضية اللي في العمارة اللي جمبهم وان صحابها عايزين يخلصو منها عشان جريمة القتل اللي حصلت فيه ( عشان سعادتك متفكرش تاخد غير شقته ) خليك واثق ان الشقة هتكون مليانة نمل وخصوصا في الحمام ( مش عارف والله ليه ) خليك متيقن انك لو جي من الخليج او امريكا او اوروبا هتدفع مصاريف صيانة ( المصعد ) كلها من غير ما حد يشاركك ( ما انت الاهبل اللي جي من برة ومعاه فلووووس قد كدة ) .

خليك متأكد انك لو طالب جي تدخل جامعة ومجموعك 99 % هيوصل بعد المعادلة ل 80 % وده عشان نفس النقطة اللي فاتت ( ما انت ابوك حرامي في الخليج ولازم تدخل جامعة خاصة ) خليك واثق انك لما تدخل الجامعة الخاصة هتتعرف على شلة زيك بس بايظة شوية بسيطة مش كتير يعني مختلفين عنك انهم بيشربو سجاير وبيرقصو في ديسكو وبيشربو زفت والعملية بابا عادي ماما عادي ( طبعا مش في كل مكان وانا محصلش معايا كدة الحمد لله ) هيتعزم عليك بكل حاجة من اللي قلتلك عليهم دوول عادي جدا ويا وافقت وبقيت راجل زيهم او موافقتش وبقيت عيل ومش على مزاجهم وهيستلموك يا معلم خليك متيقن انك لو حبتك بنت فا غالبا هتكون بتحبك علشان النقطة اللي لتالت مرة بعيدها ( عشان انت ابوك راجل مليونير في الخليج وعندو عربيات كتير وطيارة خاصة كمان ) ( طبعا برضو ده مش مقياس ممكن يحصل وممكن لا بس ده غالبا الواقع ) .

خليك متأكد انك هتركب تاكسي في مصر لمدة 3 اشهر وهينصبو عليك كتييير اوي لغاية ما تتعلم تركب مواصلات خليك واثق انك هتركب الميكروباص هتنزل عندك طرش وممكن تفقد السمع لمدة اسبوع وده عشان البيه مش عارف هو هو ولا هو مش هو ( مع احترامي للمطرب القدير اللي غنا اغنية انا مش انا أو المطرب الكبير العبقري الفنان اللي ضرب حجرين على الشيشة ) خليك متيقن أنك لما نزل من الاوتوبيس هتتكفي على وشك أو هتقع على حد في الشارع أو هتيجي عربية من وراك تشيلك ( اصل سعادة البيه السواق مش فاضي ينزلك او لو نزلك بيرح دايس بنزين بعزم ما فيه وانت على آخر سلمة .

خليك متأكد انك هتعدي الشوارع الرئسية في اول شهرين في نص ساعة وتقعد لمدة سنة يقل الوقت لغاية ما تعدي الشارع في 3 ثواني ونص وده على خلاف الشعب المصري اللي بيعدي في 3 ثواني من غير نص وصدقني هيفرق معاك النص ده كتير لأنك في مرة ممكن تتشال عشان انت مختلف عن باق البشر ( ما انت ايه اللي جابك استحمل بقى واقفل بقك ) خليك واثق انك مينفعش ابدا تعدي الشارع من قدام ست سايقة او اوتوبيس او ميكروباص او اي عربية نقل ( عشان سواقة الستات هنا احسم من الرجالة بكير واكثر دقة عشان كدة من حق كل ست.......هكمل في النقطة اللي بعدها ) خليك متيقن انك لما تيجي تدخل شارع جانبي ووقفت مدة طويلة من الزحمة من غير سبب يبقى اعرف ان في واحدة ست بتركن العربية ( .... من حق كل ست تركن العربية في نص الشارع عشان تنزل تقيس الفستان عند الترزي مش احسن ما يطلع ضيق وترجعله تاني ).

خليك متأكد وواثق ومتيقن وفاهم وعارف انك مصري وابن مصري ومصرية وعايش في مصر ولو في حد من اللي انا قلتهم مش مصري او انت معشتش في مصر يبقى انت كدة فيك حاجة غلط ولازم تتعالج والعلاج انك تعيش في مصر لمدة سنة هتتغير فيك حاجات كتييييييييييييييير اوي مكنتش متوقع تغيرها وهتشوف اللي عمرك ما شفته .
وبرضو هعيد كلامي كل شوية ( بحبها بحلوها ومرها وهفضل على طول احبها دي بلدي يا بشر ولازم اكون واحد من ولادها واهلها )

((((( خليك متأكد )))))

الجمعة، 2 يوليو 2010

حميني انهردة ووسخني بكرة


عنوان واضح وصريح واللي مش فاهمه بلاش فيا يطيح

أنا انهردة صحيت على صوتها (جزء من اغنية لتامر بس متستعجلش) صحيت على صوت مين على صوت تيتا : محمد محمد , ايوة يا تيتا صباح الخير , المية قاطعة ( بووووووووووووووم) عاااااااااااااااااااااااااااااااااا عاااااااااااااااااااااااااااااااااااااااا عااااااااااااااااااااااااااااااااااا انفجرت هذه العبارة في وجهي كالقنبلة , لييييه ؟ لأسباب كتير
أولا أولا انا هنفجر وعايز أدخل الحمام
ثانيا بقى ودي الأهم انهردة الجمعية وباقي ساعة عالصلاة , وكمعلومة دي مش أول مرة يحصل كدة لا دي بقالها اسبوعين على الحال ده وتقريبا دي الطريقة الجديدة عشان منصليش الجمعة يقطعو علينا المية واااااااااااااااااااااو وقال ايه أصل بيعملو حاجة في المواسير كاتهم بواسير لما تشلهم طب وأنا مالي أنا مالي عاااااااااااااااااااااااااا عايز أستحمى يا بشر مع اني استحميت امبارح بس برضو أنا بعشق الحمووم وخصوصا يوم الجمعة , وأحلى حاجة أن غالبا المية بتيجي على بداية الخطبة يقوم الواحد عقبال ما يدخل الحمام فيها نص ساعة ( هووووب طار نص الخطبة يا جماعة) وعقبال ما أوصل المسجد ( هوب طار ربع منها ) يبقى باقي ايييييه باقي إن أنا اسمع الدعاء اللي في الآخر وأصلي وبس , حلاوة هتقلي طب والناس اللي في المسجد دي راحت بدري ازاي هقلك بص أولا المية مقطوعة عن الشارع كله فا يا إما دوول من شارع تاني او منطقة تانية يا إما دوول صحييين من الفجر ومستحميين وطبعا انا الفجر صليته ونمت يا إما دوول مبيتوضووش ومقضينها بالعبط كدة ومش مشكلة معاهم .

طب والحل ايه الحل ايه يا أبو حنفي والله ما انا عارف بس غالبا هجيب ازازة مية صحة وهتوضا بيها وانزل.

الثلاثاء، 25 مايو 2010

بالهنا انهردة وبالشفا بكرة




بالهنا والشفا ما انا زعلان عليك ياعمنا بالهنا والشفا والكلمة التقيلة في الليلة الكبيرة بالهنا والشفا يا عم شايفني واكل منها حاجة دا أنا حيالله واكل شارب نايم وبالهنا والشفا والله الأكلة بقت مطبوخة ومضروبة ومعصودة وبالهنا والشفا .
بالهنا والشفا يا انكل وبالهنا والشفا يا طنط ما هو السم الهاري مبقاش ينفع وبالهنا والشفا طالع بكشري ونازل بفسيخ وبرضو مش هقلك غير بالهنا والشفا وكرشك بقى يساع كتير والعجل في بطنك أسير بالهنا والشفا وأنا مش بقلد حد ولا حاجة دا انا حتت شاب طافح القوطة وبالهنا والشفا شيطان ودخل بيتنا وقعد وربع فوق رقبتنا وبالهنا والشفا بداية الطبخة كانت بطيخة حبنا اللي اتقسمت في يوم وليلة لنصين في قلبنا وشوية واتقسمو ربعين وبالهنا والشفا نزلو من شجرة واحدة مطرحتش غيرهم وبالهنا والشفا أخ وأخوه وأخت وأختها والكل بقى مش طايق النص اللي اتقسم منه وبالهنا والشفا . فاكر سامع فاهم يا اللي قدامي قاعد وانت عارف اني بتكلم عنك , انت عايز مني ايه اعتقني بقى وسبني في اللي انا فيه انا عارف انك مش هترتاح الا لما اسيبه بس اقسملك بيه اني مش هسيبه ولو لخمس دقايق بقيت معاك فا انا ل 24 ساعة هكون معاه متتعبش نفسك ومتتحدنيش لأن أنا بني آدم ومش مسطول بحتت حشيش انا عندي مخ وبفكر ولايمكن هتنتصر عليا يا ابن اللي بالهنا والشفا .

الخميس، 20 مايو 2010

أحبك يا سارقة قلبي


لم أرى............. لم أرى بهذا الجمال قدرا فقد أضائت بجمالها القمر

تتراقص النجوم فرحا بلقائها فهي قلب وروح واحساس

وتخطت بقلبها كل الأجناس فتطوف في جنة من الألماس

رأيتها من بين زهور و ورود وألوان فلم يدري لساني

بما يقال فقد سابق عقلي في النطق بالتعابير

وكل شيء بيننا جاء بلا تدابير فتحسد حبنا كل العصافير
فنحن عاشقان ليس لقلوبنا مثيل وصار قلبها في روحي أسير

ولم أعلم كيف أروضها فهي فرسة بلا جواد بصير

لقد وقع قلبي في شبكة من الأعاصير وبات عقلي لا يفكر إلا في قلبها الكبير

عيناي لا ترى إلا بسحر عشقها الأصيل


أحبك يا سارقة قلبي ...

الاثنين، 12 أبريل 2010

نقطة سودة


صباح الخير يا بلية يا أكبر لهطة أشطة في الدنيا , الدنيا بقت غريبة وكل حاجة مريبة , الفكرة بقت أساس وأنا معنديش قلقاس , فايق رايق فاضي بالماضي فاكر كل كلمة يا رقعة شطرنج مأصل يا واكل كل قسمة سيطرة بيطرة أهو كله واقع في الشوربة .

عندي كلام كتير ملوش معنى وأسير أسير لأفكاري البريئة اللي بقت متجيش في دقيقة كنت ببدع وبكتب وأفكر وانهردة انا قاعد بفقر تطلع كلمة وتتحاش ستة ماهو ده الأصل والباقي تقليد , انا بحاول اتكلم اهو بس والله الحرف اتحاش من كتر ما انا فاضي ومفياش حيل اقول حاجة ما خلاص مبقاش في حاجة مانيش عايز خلاص حاجة . الأمور سبتت والدنيا سكتت وكل يوم مشكلة في العيلة مترتبة أو حتى مع جار فقيع يجبلك كيلو مشاكل وهو قاعد عالقهوة فاكر ان الشاي بقرش ساغ ماهو يا دوب زمن الأجداد والله يا جدو خلاص مبقاش لينا فيها حاجة عايز اصلي واصوم وارضيه عشان بكرة يقولو كان حلو ماضيه , خلاص سكت وقرفت وقلمي والحمد لله نشف معكنن عليا وطفش .

الخميس، 25 مارس 2010

هي دي الحياة


شوية أفكار محتار مصدوم في حياتي الجديدة بالوقائع الأليمة كنت فاكر اني هعيش هعيش حياتي بص طلعت حياتي كلها احلام في احلام في شوية أوهام مشتغلتش وقعدت في بيتنا لفيت ودورت على حريتنا ملقتش حد مهتم بينا وكل واحد حياتو وبس الكبير كبير والصغير صغير وللاسف كل واحد بيبقى على حاله لا دول بيصغرو ولا دول بيكبرو , قالولنا اتعلمو وخدو شهادة عدلة واتوظفو في أي شغلانة تتمناها جيوبكو وادينا اتعلمنا ورجعنا بيوتنا وشهادتنا حتى اتوسخت من الركنة عالحيط . ما تتخيل معايا لو انا بحلم بفلة بتطل عالمحيط فا انا اسف ومش عايز غير حتى أوضة فوق السطوح , لو كنت بحلم بعربية بي إم فا انا اسف , أنا عايز انشالله 128 حتى لو من غير بنزين فأنا هبدل زي العجلة .

اسف اسف يا دنيا على أحلامي حلمت فيكي حلم مش من مكاني دي ناس هتفضل كدة على طول واحنا ناس هنعيش ونموت على كدة لا بنتقدم ولا بنتأخر , ااااااه يا دنيا , ذهب الماضي مع الريح وذهب الحاضر والمستقبل منه هنستريح , انا كنت بحارب اليأس والفشل بس دلوقتي أنا بقيت الفشل .

خايف والله خايف يا جماعة من الدنيا محدش عارف مستقبله شكله هيبقى إزاي ولا اخرتو هتبقى ازاي أنا لسة شاب في الجامعة بس كنت حاطط نفسي مكان شاب متخرج , وده اللي انا خايف منه يا ترى هنعيش ولا هنفضل قاعدين في بيوتنا زي باقي الجيش , والله بقيت اقول عليهم جيش لأن عددهم بقى كبير , المشاريع بتطلع وهما مش بيشتغلو طب ازاي؟؟!! ازاي , الحياة كان لونها بامبي وانهردة السحابة السودة غطتها ان كانت سحابة الشباب اللي مورهوش حاجة غير المشي في الشوارع أو سحابة التلوث الفظيعة اللي هنموت كلنا بيها لا هنحصل شغل في الدنيا ولا هنحصل عبادة للاخرة .

الحياة مرة , وانا عارف كدة من زمان بس الواحد فجأة بدأ يحس بالمسؤولية والهموم بدأت تكتر والواحد مبقاش عارف يمشي من كتر الهموم اللي فوق ضهره .

يلا هنرش مية كان معكم حنوف باشا من امام شاشة الكيمبيوتر .

الخميس، 25 فبراير 2010

بالمشقلب


بالمشقلب شقلب شقلوب حياة مفهومة بالمقلوب وناس حياتها مقلوبة , أكل الفار القط بشوية أرانب بتهب وبقت المعادلة مقلوبة في شوية رز معجونة وفخلاط الحياة مصبوبة بصبة اسمنت شقلوبة , شوية ناس عايشنها مقضينها زي ما بيقولو بيشقلبو القميص والبنطلون ورجعو لموضة أفلاطون شوية أفكار رديئة وشقلبو غيرهم بيئة , وشوية ناس مفقوعة في حياتها على طول ملعونة بيلمو من حولينا المعونة وعايشين كل يوم على لمونة مش معصورة على تونة ولا حتى أي أكلة مقلوبة ,أفكار كتير وبتتغير وبقينا نفكر بالشقلوب فاكرنفسك هتغير وتبقا انسان موهوب وفي يوم وليلة تتشقلب احلامك اوهام بجيوب بتشيل فيها مصايب وبلاوي وتتحول ايامك حلم منتهي بكابوس ,أوعى تفكر انك فاهم كل شيء في الكون وصدقني خد في حياتك خطوة كبيرة قبل ما تتشقلب حياتك بالمشقلب شقلب شقلوب مع تحيات : محمد حنفي

الثلاثاء، 9 فبراير 2010

يلا بلا باي


1: هو اه والله هو ده
2: لا يا بني مش ممكن معقول !!
1: اه هو والله
2: يا بني التاني تحس ان هو راجل كبير مش ممكن يكون الشاب ده
1:لا هو عشان انا شفت صورته حتى أسأل معتز كدة
2: معتز هو ده محمد حنفي ؟؟!!
3:اه هو
1: شفت

محمد محمد احنا بنحبك اوي يا ميدووووو

( وإذ فجأة ينقلب المطار رأسا على عقب عندما يكتشف الركاب ان هذا هو الكاتب محمد حنفي كان معكم مراسل قناة الجزيرة من قلب مطار القاهرة الدولي )

بودي جارد 1 : استاذ محمد اتفضل احنا امنالك الطريق
( ينزل محمد حنفي من العربية الرولز رويز )
بودي جارد 2 : ابعد يابني انت وهو من هنا استاذ محمد مش عايز حد يصوره لو سمحتو ابعدو بالزوق .
معجب 1: الله يخليك صورة صورة واحدة بس
بودي جارد 2 : لا مستحيل
محمد حنفي : سيبه سيبه خليه يتصور معايا

معجب 2 : باسبورك
محمد حنفي : نعم
معجب 2 : الباسبور يابني
محمد حنفي : انت بتكلمني انا

طاااااااااااااااااااااااااااااااااااااااااااااااااااااااخ طاااااااااااااااااااااااااااااااااااخ

( وده صوت القلم اللي خدتو على قفايا لما أكتشفت ان انا كنت بحلم والناس اللي حواليا كلهم مسافرين والدنيا زحمة والمعجب ده كان الظابط وحاجة فل )

وقد كان كل هذا بسبب ان دي أول مرة اسافر فيها لوحدي يعني عارف يعني ايه يعني من غير مامي (( مامي )) اه والله مامي انتو مش مصدقين انا طول عمري كنت بسافر مع ماما الا المرة دي انا رايحلها السعودية .
هذا لا يعني اني ننوس عين ماما لا انا جدع انا جدع أوي كمان اه لحسن حد يفهم كدة ولا كدة .

دخلت على الظابط وقلتله انا اسف يا باشا وعديت والحمد لله ومحدش ركز معايا ولا قالي كنت سرحان في ايه , دخلت جوا المطار وانا فارد جسمي كدة وكأني لم أخذ قلم على قفايا المعلم بالأحمر لقيت راجل عجوز اوي وبيسألني هو الطيارة منين يابني قلتله يا حج انت رايح فين؟ قلي : انا انا ! أنا !!!!! ممممم ! أنا تقريبا كدة رايح كوالالمبور
أنا : نعم وانت ايه اللي يوديك هناك
الحج : اصل جالي عقد عمل في الخليج
أنا : طب ومال الخليج بكوالالمبور
الحج : هيغور هو مين اللي هيغور
أنا : بقلك كوالالمبور يا حج
الحج : حد هو في حد هنا غيري
أنا : لا انا وانت والركاب
الحج : حجاج هما رايحين يحجو السنادي
أنا : ياااا لهوي باين اني مش هخلص الليلة دي
الحج : اه الليلة دي دي أغنية لعمرو دياب
أنا : لا حول ولا قوة الا بالله وتقلي رايح الخليج
الحج : بهيج هو جه ؟
أنا : لا
الحج طب لما يجي قله حفيدك بيسلم عليك
أنا : ( طب والله لأشتغلك في الأزرق )
الحج : الأزرق دا لوني المفضل
أنا : معضل هو مين اللي معضل
الحج : الصندل لا انا نسيته
أنا : ناديته هو مين اللي ناديته

( تن تن تن تن على الركاب المتوجهون إلى جدة الذهاب لمخرج رقم 6 استعدادا لصعود الطائرة )

أنا : سلام سلام يا حج انا طيارتي هتمشي وخلي جدك بهيج يجي يسليك بدل ما أنت متنيل كدة
جريت عالباب وأنا بلتفت وببص على الحج عشان اشوف مين حواليه وهيساعده لقيته أختفى تلاقيه مشي وللا حد خده مش مهم .
جهزت جواز السفر والتذاكر وادتهم للكمسري !!!.... قصدي للظابط اللي على الباب شافهم وطلعني عالطيارة , ركبت الطيارة وقعدت مكاني وغمضت عيني وبدأت أفتكر الأيام الحلوة اللي قضتها في مصر والأيام الحلوة اللي قضتها في السعودية , وقلبي عمال يدق فتحت عيني بعد ما خلصت ذكريات ولقيت الطيارة بتختفي تختفي ويظهر سقف أوضة والكرسي بتاع الطيارة بدأ ينام بيا لغاية ما اتقلب سرير .

على فكرة أنا لسة في بيتنا وبتخيل ايه اللي هيحصل بكرة حتى بالأمارة أنا نايم عالسرير وماسك اللابتوب وبكتب البوست ده .
ادعولي أوصل بالسلامة يا جدعان .

كان معكم حنفيكو الروش طحن آخر حاجة وهو على سريره المتواجد في عزبة الحج ابراهيم وهو بيقلكو هو جامد اوي ومفيهوش حاجة وكل الأشاعات اللي طلعت عليه دي كدب كدب كدب وباطل من ام شحيبر النتن .

مصر هــــي مــش أمي لأن أمي قاعدة في البيت . بس مصر دي بلدي


أنا بحب بلدي وهفضل أحبها

السبت، 6 فبراير 2010

للخلف در


نبدأها خطوة خطوة في اتجاه إلى أكبر خطوة وتمر الأيام والليالي ولا يوجد شيء على بالي أعيش كي اموت وأموت كي أعيش في كد وعناء وتعب هذا الزمان الذي يجري فيه الأمر بشتى الطرق لا تحاول فهم كلامي فهو للكبار فقط نعم انه للكبار فقط ليس الكبر في الجسم لكن الكبر في العقل اذهب الى المول مع صديقي بعد ان صليت معه العصر كي نرى فيلما جميلا خالي من الغم نريد ان نضحك وندخل البهجة في قلوبنا وإذ بنا نتفاجئ ان الأفلام للكبار فقط فلم ندخل أيا منها ليس لأننا لسنا كبار ولكن لأن ارتبطت هذه الكلمة بالمشاهد الخليعة نعم فلم ارى في حياتي فيلم مكتوب عليه هذه الجملة الا وهو خليع هل هذا يعني ان الطفل حرام عليه ان يرى هذه المشاهد والبالغ حلال له هذه المشاهد . لقد تغير الفكر وتغيرت العادات وبدلا من صناعة سينما نظيفة عدنا إلى سينما التسعينات التي كانت كلها للكبار فقط . انتقدم أم نرجع إلى الخلف , أسأل نفسي ما الذي يهدف اليه هؤلاء بكتابة كلمة للكبار فقط ؟ أظن انهم يقصدون كتابتها ليثيرو الشباب والفتيات لرؤية مثل هذه الأفلام ولا أظن انها تحمل فكر أو رسالة بل هي أفلام تحمل معها المشاهد التي استعفف عن كتابة اسمها حتى .

لا تقل لي حرية ولا تقل لي مناقشة القضايا الهامة ولا تقل هذا فن ولا تقل انه مخرج بارع ولا يصنع شيئا الا وله هدف ورسالة بل هو شخص بغيض يحاول نشر هذه المشاهد بين الأمة كي تكون عادية عندما نراها بعد ذلك وهذا ما حدث , تعالو معي نعود الى افلام الألفية الثانية وتبدأ هذه المسيرة مخرجة من المخرجين الذين أدخلو هذه المشاهد على أفلامهم هو فيلم يناقش قضية الزواج العرفي لكنه ناقش هذه القضية بشكل ركيك واظهر في محتواه كم من المشاهد الغير لائقة للمشاهد ان يراها بعد ذلك تطورت هذه الأفلام فصار كل سنة يظهر فيلم ثم فيلمان ثم اليوم يظهر ثلاث أفلام أو أكثر في وقت واحد وكلهم للكبار فقط أظن أن كلامي واضح نحن في تقدم رهيب .

امس واليوم والغد


لقد قررت قرار جميل و وحش (( أيه يا عم الحج راجل مبالغ فيه ازاي جميل و وحش )) اه والله ابسطهالك تعالو نرجع كدة نبص انا من يوم دخولي الكلية كتبت كام بوست وكان لذيذ ؟ متدورش عشان مش هتلاقي .

ولهذا قررت هذا القرار الجميل و الوحش تعالو بقا نشوف جميل ليه ؟ عشان مخي يرتاح نسبيا من المواد الغبية العلمية من وجهة نظري اما وحش لأن لقب مهندس اللي كان نفسي فيه مش هيتكتب في البطاقة وحلم البشمهندس جه البشمهندس راح ذهب مع الريح بس صدقوني انا كدة مبسوط . (( يا عم الحج انت مش تقول قررت ايه )) اه أوكي .

القرار

القرار

القرار القرار


هو القاااراار

هو هو

هو

هو القرار القرار


هو ان انا

هحول من هندسة كمبيوتر الى كمبيوتر ساينس . ((كمبيوتر ساينس يخربييييتك ليه يا ابني تخسر لما في اديك تكسب )) لا لا لا مش هخسر ولا حاجة طب ما تبص كدة على البوست اللي فيه حلمي الكبير هتلاقي ان ده هيخدم حلمي الكبير اللي ان شاء الله هحققه .

كان معكم ابو حنيفة من مركز شباب الاكاديمية امام كبري عبد السلام العريس

الأربعاء، 6 يناير 2010

مش هعمل كدة تاني


سامع صوت ............. صوت رنة ............ رنة جميلة ................ دي رنة موبايلي .......... شكله المنبه ................. لا دي مش رنته .......... امال مين اللي بيتصل ؟ ............. يادي القرف ................ عايز انام ............... انا لسة راجع من الكلية ............... ومش شايف قدامي ............يا ترى مين اللي بقاله نص ساعة بيرن ده وانا مش قادر افتح عيني واقوم ارد عليه ؟ ......................تؤ يوووووووووووووووووووووووووووووووووووووووووووه ....... الو .....مين ؟.........خالد ؟ .... ازيك يا باشا معلش كنت نايم اصل لسة راجع من الكلية ........لالالالا يا حبي اتصل في اي وقت زي ما انت عايز ............المهم كنت بتكلمني ليه ؟...........انهردة ؟ .......اه فاضي اشمعنى ...........انت عازمني انا وكيمو ..........اوك اوك ماشي يا باشا تمانية بالظبط هكون عندك ..........سلام

يااااااااااااااه أخيرا الواحد اتعزم في البلد دي الحمد لله .

نزلت من بيتنا آخر شياكة وبرفيوم وحالق دقني وشغل عالي أوي وخدتها مشي من بيتنا لبيت خالد لأن هو قريب جدا من عندي ميخدش خمس دقايق , وصلت بيت خالد وخبطت الباب ........... فتحلي مصطفى اخو خالد الصغير , ( خالد عنده 3 اخوات عبد الرحمن ومحمد ومصطفى ) دخلت لقيتهم كلهم قاعدين ومستنيني انا وكريم , سلم عليا كل واحد فيهم تسليم حار وقعدت وشوية وخالد جه .

خالد : ابو حنفي حبي ازيك يا برنس واحشني والله
أنا : وانت كمان يابني بقالي كتير مش بعرف اقابلك في الكلية انت ايه يابني بتروح فين
خالد : معلش يابو حنفي اصل اليومين دول عندي امتحانات ومتبهدل عالآخر ودفتري ضاع وبقالي اسبوع قاعد بنقل المحاضرات اللي راحت مني .
أنا : ربنا معاك ومعايا ومع الجميع ., وانت يا محمد بقيت في سنة كام ؟
محمد : انا في أولى ثانوي
أنا : وبتذاكر وللا زي كل سنة
محمد : ههههه لا والله بذاكر .
أنا : طب ربنا يوفقك .

قعدنا ناكل بعد ما كريم إتأخر ساعة ونص بحجة طريق عباس العقاد زحمة , عينك ما تشوف الا النور كلنا اكل لم لن نأكل بمثل هذه الكمية فقد غرف كل شخص منا طبقه خمس مرات ده غي الحلو .

دخلت الحمام عشان اغسل ايدي و وانا طالع اتزحلقت وقعت على راسي .................................... الدنيا بتلف تلف تلف تلف


ايه ده !!!!؟ دا انا وانا صغير . ايه ده !!!!؟ ماما ماما بتشيلني . حاسس اني قاعد بتفرج على شريط حياتي بيمر قدامي مشهد مشهد وبتفرج والناس قاعدة شايلة فيا وبيكلموني بلهجة الأطفال مش فاهمين ان انا فاهم كل حاجة . مين ده !!؟ الراجل ده انا عارفه ده الدكتور بتاعي وانا صغير . ده بيعمل ايه ده بيطلع حقنة !!!! هيديها لمين ؟ ايه ده ايه ده ؟؟؟ هيديهالي لاااااااااااااا لاااااااااااااااااااااااااااااااااااااا لااااااالالالالالالالالالالالالااااااااااااااااا عااااااااااااااااا وااااء وااء واء وء ( رحت في النوم )

صحيت لقيت نفسي رجعت تاني بيتنا ونايم على سريري وكل حاجة تمام يااااااه ده كان حتت كابوس زي الزفت اااااه تعبااان انا جيت بيتنا ازاي ؟ انا كنت عند خالد !!! آخر حاجة افتكرها ان انا وقعت !؟ يمكن اغمى عليا وشالوني للبيت !؟ مش عارف بقا .

تيتا تيتا يا تيتااااا هي راحت فين ايه ده السرير متوضب يعني منمتش عليه انهردة امال راحت فين !!!؟ تررررررررررن تررررررن
(تلفوني بيرن )
الو ................. مين ......... ماما ...... ازيك يا حبيبتي ............انا الحمد لله كويس بس .......الو الوووو الو ..... البطارية فضيت يادي الحظ .

لبست هدومي ونزلت الكلية وانا داخل عالباب لقيت الطلبة كلها بتبصلي !!!! ايه في ايه اول مرة تشوفو بني ادم ؟ ايه ده !! لا شيء مش طبيعي . ومين الشخص اللي مديني قفاه ده شكله مش غريب عليا مين ده ؟؟!! ده محمد اخو خالد وايه اللي جابو عندنا الأكاديمية يمكن جي مع خالد !! لا بس ده واقف مع شلة كبيرة طب خليني اسلم عليه .

أنا : محمد ازيك يا ابني ( لقيته بصلي وقعد يضحك يضحك على روحه وانا مش عارف بيضحك بهستريا كده ليه )
محمد : الحمد لله ايه يا عم مش ناوي تمشي من سنة أولى
أنا : اه قول يا رب ان شاء الله اخلص السنة واروح تانية ( بصلي باستغراب وقعد يضحك تاني ومشي وسابني )

ايه الهبل ده محمد يشوفني ويعمل كدة والطلبة كلها بتبصلي حاجة غريبة يللا خليني اروح المحاضرة بتاعتي . وانا ماشي في الكلية قاعد بتفرج على الإعلانات وفجاة ومن غير تركيز قريت اسمي بالبنط العريض محمد احمد حنفي . ايه ده انا اسمي مكتوب عاللوحة !!!؟ بس انا معملتش حاجة تذكر عشان اسمي يتكتب !!! , رجعت ابص عليها لقيت مكتوب فوق اسمي قائمة الطلاب الراسبون في عام 2010 .
نعم احنا هنستهبل ازاي يعني اذا انا لسة مخلصتش الترم الأول . لالالالالالا موضوع ميتسكتش عليه .

وقفت واحد من الناس اللي معديين .

أنا : لو سمحت احنا سنة كام دلوقتي ( بصلي باستغراب شديد اوي )
هو : احنا دلوقتي 2015 .

أنا أنا أنا أنا أنا دايخ ازاي انا اجي هنا !!! ايه اللي بيحصل انا نمت كــــــــــل ده مــــــــــــــــــــــــــــــــــــــــــــــــــــــش معقــــــــــــــــــــــــــول
لــــــــــــــــــساني تــــقيل كده ليــــــــــــــــــــــــــــــــــــــــــــــه أنــــــــــــا مــــش قادر أفــــــــــــــتح عينــــــــــيـــــ .


اه اهـــــــــــــــــه اهـــــــــــــــــــــــــــه انا فين

كريم : انت في بيت خالد
أنا : ازاي
خالد : انت اتزحلقت ووقعت على دماغك وأغمي عليك
أنا : طب احنا سنة كام
محمد : 2010
أنا : يعني انا كل ده كان مغم عليا
كريم : اه



وقد قررت ان انا لما اجي ادخل حمام امشي بشويش عشان متزحلقش واشوف نفسي ساقط 5 سنين في الحلم .

كان معكم حنوف الحنوف من امام حمام بيت خالد علي مصطفى .


الثلاثاء، 8 ديسمبر 2009

مع نفسي

أفكر مرارا وتكرارا مع نفسي ما هو مصير الناس في هذا الظلام الدامس لا يوجد أي نوع من الإضاءة لا يوجد أي خلفية عن أي شيء قد يبدو كلامي غير واضح للكثير لكنه واضح لكل شخص يعرف معنى الكلمة الجيدة ويفهم ما بين السطور . تتوارد أفكاري كلها في ثانية وتختفي في أقل من هذه الثانية . إنك تعلم أنك مخطىء في (ـــــ) لكن مع ذلك فأنت تستمر إذا أنت عنيد عنيد مع كل الناس وعنيد مع نفسك التي تأمرك بما تكرهه وفي نفس الوقت أنت تصنعه لأنك تشعر بالراحة عندما تقوم به . ضع بين القوسين الماضيين أي شيء تشعر بأنك مذمووم بسببه .

هل تعتقد أن كل الناس تكرهك إذا أنت مخطئ لأن هناك شخص يحبك ويخاف عليك لكنك لا تنظر أبدا إلا إلى الجزء الفارغ من الكوب وتحاول أن تتناسى الجزء الممتلئ وتغطيه بيدك .

من فلسفاتي الشخصية التي أعتقد أنها صحيحة . أني أنا الانسان الوحيد في هذا الزمن الذي أعرف كل شيء عن أي شيء لكن في الحقيقة هذه الفلسفة لا تعود علي فقط لا بل تعود على جميع الكائنات الحية التي خلقها الله سبحانه وتعالى . وهو أن كل شخص هو الصحيح الذي يعرف كل شيء لذلك أنا لا أسمعك وأنت لا تسمعني وكلنا نتحدث في وقت واحد .

يتم تربية الأبناء في هذا الزمان على طريقة وأسلوب خاطىء تماما وأبدأ هذا الإسلوب عندما يحاول الطفل الخروج فيقول له الأهل ( أوعى تخرج يا حبيبي لوحدك عشان القطة هتخربشك ) ولذلك يعيش حياته الطفولية كلها وهو خائف من القط لأنه كائن شرير يخربش فقط . ولما يكبر شوية , ( أوعى يا حبيبي تبعد عني لحسن الحرامي يخطفك ويقطع ايدك عشان تشحت ) وأيضا هذا كلام مائة بالمائة خطأ لأن هذا الحرامي لن يقوم بذلك ليضيف فقراء للمجتمع لأنه غير ناقص ثم هذا الحرامي لسة هيقطع ايد الطفل ما يسرق أسرع .

نتكلم ونشكر في أنفسنا ونعيش في مبارزات مع الشعوب الأخرى على ماتش كرة أو صفقة في الشركة أو مضاربة في الشارع و ننسى القضية التي مات فيها الكثير من إخواننا . ( فلسطيييين ) نحن ننسى إخواننا الفلسطنيين و نعيش حياتنا الزائفة التي سريعا ستزول ونموت ويقال بعدنا ما الذي فعله هذا الانسان في حياته وهو حي يدور في الدائرة الكبيرة بدون فاائدة .

كلام كبير يدور في رأسي الصغير الذي لا يتسع لمشاكل العالم بل هو يكفيني فقط لأفكر في دراستي التي سأفيد بها المجتمع بإذن الله .

ملحوووووووووووووووووظة كل مرة : أنا هقعد بعيد عن البلوج فترة من الزمن وهرجع إن شاء الله بموواضيع جامدة .

كان معكم محمد أبو حنيفة من قلب بيتنا اللي وراء النيل . جمب محطة البنزين .

الاثنين، 23 نوفمبر 2009

شكرا يا ماما


دعوة حلوة منك وأديكي في السما يسمع ربي منك وينورلي أنا . حنان ملوش حدود أحسن انسانة في الوجود يا ماما . قدرتي تعدي بيا وتربيني وده انتصار وجي اقلك بابتسامة من قلبي شكرا يا ماما . وجه اليوم تبقي فخورة اني ابنك . ومرة سألتي نفسك لما بشوفك بفضل اراقبك من سكات وألقا نفسي بقول لنفسي بحب فيكي كتير حجات . شكرا يا ماما . ((أحمد مكي)).

شكرا يا ماما أقل كلمة ممكن اقلها للست اللي عمرها ما غفلت إلا لما انا انام هتوحشيني يا ماما , ماما انهردة ماشية من مصر وهتسبني مع جدتي وخلتي ولأول مرة في حياتي هقدي العيد من غيرها هي وبابا بس هي لازم ترجع السعودية لبابا عشان هو يا عيني قاعد لوحده أنا بجد يا جماعة زعلان وخايف ومتضايق لأن هي الوحيدة اللي كانت بتحسسني بالأمان ومفيش حد يقدر يعوضني عنه .

عموما انا في مرحلة عمرية اسمها الانفصال عن الأهل للإعتماد على النفس .

ومش هقول لقلبي غير كلمة واحدة : أنت رااااااااااااااااااااااااااااااااااااااااااااااااااااااااااااااااااااااااااااااااااااااااااجل

الجمعة، 20 نوفمبر 2009

اسبوع زي الفل


يوم الخميس الهدوء الذي يسبق العاصفة

مصر هي أمي

مصر هي أمي نيلها هو دمي شمسها في سماري شكلها في ملمحي حتى لوني قمحي لون خيرك يا مصر , نازل من بيتنا ورايح على كليتي العزيزة على قلبي أوي , وبغني وسعيد والوطنية وخداني وجت اللحظة اللي أوقف فيها ميكروباص .

شيراتون-

لا-

شيراتون-

لا-

طب عاشر-

لا-

إن في مخلوق وراه كلية لا مفيش حد راضي يروح واتلطع اللطعة السودة دي ساعة والشعب كله مستني طب في ايه ؟ في ايه ؟ محدش بيرد , اتأخرت على معاد السيكشن وحاجة كووول آخر حاجة

, واضطر محمد حنفي شخصيا أن يتنازل ويركب تكسي .

وركبت التكسي وبقلوو هو في ايه محدش راضي يروح شيراتون ولا العاشر ؟؟

ورد عليا باستغراب شديد يدل انو بيسأل نفسه هو ده مخلوق معانا ولا من مكان تاني : أصل انهردة يا باشا مفروض الناس تاخد التذاكر الساعة 4 وقدام النادي الأهلي والناس مستنية من الصبح علشان تاخد دور .

_ طب وفيها ايه ؟؟

اصل في شاب عدا من شوية وقال لكل الناس اللي عايز تذاكر يجي ورايا لغاية الكبري وجرى الشعب وراء العربية والناس من كتر الزحمة كانت بتدوس على بعضها وضرب وحاجة حلوة خالص .

ملحووووظة : (قررت أنا السيد محمد حنفي عدم غناء أي اغنية وطنية وهرجع أكتب سلسلة ويلكم تو ايجبت )

ملحوظة 2 : (فاكرين البنت البمبا اللي كتبت عنها في الصدمة الأولى بتاعت الكلية ؟ هتشارك معايا وتكتب حجات في البلوج وأي حاجة هي تكتبها هكتب اخرها مع تحيات توتة هانم . )

وده أول موضوع ليها

يوم الخميس بليل يوم لذيذ

يوم لذيذ من أيامنا الذيذة اللي بنعشها ...كالعادة كلية ودراسة وظرف مش بقلك لذبذ .. ياخد لقب يوم الملل العالمي ( 12\11 |2009 )

رحت الكلية عادي جدا .... قربت الامتحانات ... مش مذاكرة وعادي برده ... واتحرق دمي عالصبح عادي برضة؟؟ , اصعب حاجة لما تلاقي نفسك مجبر على صحوبية ملهاش لزمة علشان فصلي كلو ولاد و بنت كمان لازم تبقى صحبتي بالدراع كدة ... عادي , طنشتني الصبح وبرضو عادي .

دخلت الفيزيا وطبعا لازم اركز عشان ابقى حلوة وماما تحبني وابقى بنوتة شطورة و مؤدبة ؟ خرجت منه على معمل أكثر لذاذة لمدة لذيذة بردة الراجل مش مخلي حد يعطس ولا أكنه ذل كفار , ولازم اسكت لا القى نفسي معيدة في المادة الرخمة دي . ( طبعا مفهوم نوع الإعادة ) !!!

خلاص لو لك عند الكلب حاجة قله يا دكتور .

ونصل إلى مسك الختام محاضرة الكمبيوتر . وإلاهي الراجل ده يصعب عليا .

ويأتي السبب في المعادلة الآتية :

مادة رخمة + شخصية هبلة = الاستهبااااااااااااااااااااااااااااااااااااااااااااااااااااااال

يا حرام عمال يتكلم ومفيش صرصار مركز معاه وطبعا وبالطبع وبالتأكيد أنا مش مزاكرة , والوقت مش راضي يعدي .

مع تحيات توتة هانم ....

يوم السبت يوم المتش المنتظر بين مصر والجزائر

راجع من الكلية وانا مبسوط ودخلت نمت وصحيت قبل المتش بشوية وجبت طبلة وقعدت اطبل وآخر انبساط واستنى انو يتعرض على دريم مفيش وفجأة يطلع يقلك اصل سعادة البيه منع عرضه على الفضائيات وقته هو عارف يعني بيجو على حجات هايفة ويطبلو سبحان الله . ماشش نتفرج على قناة النيل . طيب ما هو تعريف قناة النيل ؟ هي قناة مملة الصوت زي الزفت صوت الجمهور مغطي على صوت التعليق وحاجة فل الفل .

أوكي تغاضى تغاضى يللا فكك .

وإذ بمنتخبنا الغالي يحرز هدفين في مرمى الجزائر وانفجار الشعب في الشوارع ورقصهم والناس كلها فرحانة فاكرين انهم خلاص ضمنو الكاس .

العاصفة

ما هي العاصفة : هي رياح شديدة تضرب كل شيء أمامها .

أولا مصر لعبت متش فاصل مع الجزائر وهذا هو بداية العاصفة طب تيجي نرتب الأحداث :

1 وصول مشجعي الجزائر إلى السودان قبل المتش بيومين

2 شراء أسلحة بيضاء

3 تخويف السودان من اللي هيحصل لو مصر فازت فا قررو يساعدو الجزائر

4 المتش الفاصل

5 ظهور المشجعين بتوعنا في التلفزين

6 ظهور بعض الفنانين في المدرجات

7 فوز الجزائر

8 ضرب المصريين وحدف الطوب على الباصات

9 لجوء المصرين لبعض البيوت السودانية

10 استنجاد هيثم شاكر ومحمد فؤاد بعمرو أديب على الهواء

11 جرح وإصابة الكثير من اخواننا واخواتنا.

يا رب انصرهم وأحفظهم

لا حول ولا قوة إلا بالله حسبنا الله ونعم الوكيل في كل واحد فرق أو حاول يفرق بين الشعبين .

مع تحيات حنفي

ملحوووووووووووووووووظة ( قررت أن لا أكون وطني مرة اخرى عشان ده بيعمل حالة من النحس الجزئى )

يلا بلا باي

الأربعاء، 4 نوفمبر 2009

شكرا شكرا شكرا شكرا


كلمة واحدة ومش هقول غيرها شكرا . بس لازم افصصها : شكرا يا بابا , شكرا يا حبيبي , الراجل ده اعترف انو ابويا هو اللي رباني وهو اللي علمني وهو اللي صرف عليا دم قلبه يستحق اكتر من كلمة شكرا . يارب اسعده واديله على قد نيته .

حكايتي معاه لزيزة . الراجل ده استلمني من بيت جدي وجدتي خدني معاه السعودية دخلني المدرسة وعلمني احلى علم , وكمان هزأني كتير عشان يربيني وطبطب عليا برضو كتير .
أنا حاسس إني هعيط بكرة عشان هو مسافر بدري .
تخيل في يوم وليلة قلبك يمشي ويسيبك وتقعد وحيد لوحدك احساسك هيكون ايه .
لو واحد شارب حاجة هيرد ويقول جميل كالعادة بس انا هحس بفراغ وبكرة لما امي تمشي هحس بفراغ وفضاء واحساس بعيد عن الواقع , الواقع المرير اللي يعيش لازم يعيش بضمير وميخفش من اي حاجة بتطير . واللي مش عاجبه ياخد فيزا .

الجمعة، 30 أكتوبر 2009

صوتي ياللي منتش فرحانة



تررررن ترررن - دكتور ممكن أرد على التلفون ؟
- أتفضل بس بسرعة عشان المحاضرة هتبدأ
- شكرا ......الو!
- أيوة يا حبي إزيك
- خلود حبيب هارتي ازيك يا باشا عامل ايه
- الحمد لله
- أنا رايح لكريم المقطم تيجي
- اه طبعا بس امتى
- يعني شوية
- خلاص انا معاك ان شاء الله بس اخلص المحاضرة وهاجي .......

دخلت لقيت القاعة فاضيااااا وحاضر 20 من 50 طالب ازاي متفهمش المهم اكتشفت ان كل واحد بيكتب نفسو في ورقة انو حضر وبعدين يروح للدكتور يقلو اصلي تعبان او اصلي مصدع أو اصل بابا مسافر والخ الخ الخ .
طبعا المحاضرة في قمة اللزازة وحاجة تفرح عبارة عن شوية كلام في الكمبيوتر اكتشفناه زمان بنفسنا ايام ما فتحنا الأجهزة بتاعتنا شيء عادي ماشي قشطة .

خلصت المحاضرة السعيدة وروحت لقيت خالد تحت بيتنا مستني رحت مطلعو وغيرت لبسي ونزلنا وحتى الآن مفيش مشاكل الدنيا هادئة والجو برد خفيف وبتمشى وانا بغني ومظئطط عشان اول مرة اخرج اتفسح من يوم ما دخلت الكلية .

تكس تكس
- المقطم
- لا
تكس
- المقطم
- لاااا
تكس
- المقطم
- فين
- شارع تسعة
- لع
تكس
- نعم في حاجة
- عايز اطلع المقطم
- وانا مالي
تكس
- وحياتك المقطم
- ماشي
- هييه تاخد كام
- 25
- نعم روح روح
تكس
- المقطم
- اه
- كام
- انت هتدفع كام
- عشرين
- اركب

وانطلقنا الى المقطم ونحن سعداء وزي ما قلت سابقا مظئططين
كررر كرررر كررررت كرررررررررررررررررر

- اببببا نسيت احط غاز
- نعم نعم يا روح قلبي مهي ناقصة
- معلش يا رجالة لازم أمون لحسن العربية هتقف بينا
- انا قلت من الأول اليوم ده لذيييذ لذييذ

نزلنا قدام محطة موبيل في شارع 9 وكلمنا كريم عشان يجلنا هناك

(خالد ) يبني هو كريم هيجي منين
(انا واعوذ بالله من كلمة أنا ) من الشارع ده
5 دقائق ولقينا كوكو ( عشان في ناس بتزعل من كوكو دي ) جه بالعربية البيضاء الناصعة البياض البي إم دبليو . ( طبعا هي مش بي إم أوي يعني هي حاجة تاني بس خلاص مشوها بي إم ) ركبنا وعلينا الساوند سيستم وشغل عالي اوي .

(كريم ) أزيكو يا شباب وحشني اوي
( أنا وخالد ) حبيبي ازيك والله وحشتنا يابني
( كريم ) عاملين ايه في الكلية
وقد أخرج كل شخص همومه وحياته مرة واحدة والحياة الجامعية الهادئة الجميلة .

(خالد ) انت رايح فين يا كوكو
- هنروح كارفور المعادي نقعد شوية وناكل
- طيب بس هتعرف تروح
- اه في طريق مختصر من ورا وحلو
_ ماشي ورينا يا فنان

ماشيين بالعربية على اسفلت ملوش صوت ومعليين الساوند على الآخر ومشيين على 140 وآخر حلاوة مرة وحدة نلاقي الأسفلت خلص مننا وبقينا بنمشي على زلت وحجارة وبيخبطو في العربية من تحت من كتر السرعة , راح كريم موقف العربية وقعد يرجع بضهرو بس مفيش فايدة مفيش أسفلت والدنيا ضلمااااااااااااا خالص .
طاااااخ

(كلنا ) ايه ده ! خبطنا ايه
وقفنا العربية ونزلنا نبص في ايه






لقينا كلب أسود مرمي قدام العربية
قربنا منه اكتر واكتر واكتر لقيناه بينزف دم جامد وجسمو قاعد يبخ دم بطريقة مش طبيعية
وفجأة
الكلب قام
( أنا ) لاااااااااا وجريت عالعربية أنا وهما
( كريم ) العربية مش بدوور
( خالد ) لامش ناقصة خالص

الكلب قعد يهوهو بصوت عالي ويعمل أصوات غريبة جدا وراح طالع فوق الكبوت
( كلنا ) يااااااااااااا رب ايه ده وصرخنا كلنا صرخة رعب وخوف وقلق
وكريم بيحاول يحاول يحاول مفيش فايدة وفجأة تظهر كلاب سودة كتير وتطلع كلها فوق العربية وتخبط عليها

بس
لما أقول يوم حلو نبقا ايه نصدق

العربية العربية العربية دارت هيييييييييييييييييييييه
جري كريم بسرعة بالعربية وداس فرامل مرة واحدة راحت الكلاب واقعة وبعدين رجع بضهرو ولف ورجع للطريق اللي جينا منه .
واخيرا لقينا الأسفلت وطلعنا داخلين غلط الشارع لافف بس مخدناش بالنا .
علينا الساوند تاني وهدينا وراح الخوف من قلبنا والحمد لله .
( خالد ) يا يبني انا اتشهد على روحي وقلت خلاص هنموت
( أنا ) لا انا عملت على روحي بقا
هههههههههههههههههههههههههههههههههه
وصلنا كارفور ودخلت بقلب جريء وانا نافخ صدري مش زي السعودية مااامنوووع لا يا عم انت في ايجبت وزي ما اتفقنا ويلكم تو ايجبت افري بادي .

ملحووووووظة : قررت عدم ركوب عربية مع حد في سني لازم اخرج مع حد كبير عشان ( أنا لثة ثوغير ) D;

واتعس الله مسائكم مع سيد أبو حنيفة .

الأحد، 18 أكتوبر 2009

بتفكر بإيه

ناس وناس وناس كل واحد من التلاتة دول بيفكر بطريقتو يعني مثلا في ناس بتفكر بعقلها وده الوضع الأغلب اليومين دول وناس بتفكر بجيبها ودول أسوء ناس في المجتمع اللي هما اتولدو للفلوس وعايشين على الفلوس وهيموتو على الفلوس وطبعا دي فئة كلنا بنكرها وناس بتفكر ب
ب


ب

بقلبها أيوة في ناس بتفكر بقلبها ودول بيبقا في منهم مشترك مع اللي بيفكرو بعقلهم زي الام بتفكر بعقلها عشان ولادها ينجحو وبتحب لولادها كل الخير بس يا ترى احنا هنتكلم عن مين احنا هنتكلم عن الفئة التالتة من النس اللي بتفكر بقلبها
دول بينقسمو اتنين برضو عشاق وهما اللي مش بيعرفو يفكرو الا بقلبهم ودول اللي بينتحرو لو حبيبهم سابهم وناس بتوازن بين العقل والقلب ودول في منهم كتير جدا .

حبيت أو حبيتي حبيبك سابك طب مفكرتش ليه هو سابك مهو ممكن عشان بيحب غيرك وممكن لأنك معرفتش تفهمو حبك لازم نتعلم من كل حاجة أنا وانت وهي لازم نعرف إن الحياة مش هتنتهي لو حد سابنا هنحب غيروه بس أوعة خلي بالكو متحبش حد قبل ما تنسى اللي قبلو لأن ممكن يكون عقلك بيكدب عليك ويقلك بحبها عشان ينسى .
بصو القرعة دي مجتش من فراغ اللي هقلكو عليه تفهموه كويس أوي أوي .


أنا أنا ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااااااااا مش عارف تيء انا انا انا اااااااااااااااااا برضو مش عارف أقولها إظاهر إنها لسة شوية بس يوم ما هقولها هيكون يوم سعد الجميع .
هو في الواقع بالتحديد كدة بالسلاتو عالنبي أني أني قصدي أنا ب ب ببببب ببب بب مش راضية تطلع فعلا .
كلمة صعبة لا بجد صعبة جدا متطلعش في أي وقت أو لأي حد بس قبل الكلمة دي عشان الواحد ميقعش فيها ويندم لازم يكون قبلها كلمة أنا معجب بشخصية فلان وبعدين أنا ب بببببب بح بح استحالة لا كدة نافع ولا كدة نافع طب أعمل ايه ربنا معايا بجد .

وهقول كام جملة كدة بحبهم أوي
خليك شاب كول تفطر وتتعشى فول وخليك دايما لذيذ وطبعك لازم يغيظ بيها الناس تكون محتارة ونفض ومتشلش هم يلا بلا باي .

ملحووووووووووووظة : أنا بوعي الشباب فقط ولا يؤخذ كلامي على محمل الجد يعني أنا لسة معجب وبس .

الأربعاء، 14 أكتوبر 2009

مش هقول أنا تاني عشان في ناس محتجاني


يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه
أحلام وحلمت بيها واديها بتتحقق عرفت ناس فيها ولقيتهم في الحقيقة وسلمت عليهم كمان . ياما الواحد حلم بحد يكون جنبو يحس بقلبو ويضحي بهمه عشان صاحبه وأااادي الحلم بيتحقق . ياما حبيت ناس وياما كرهت ناس بس في الاخر كلهم بشر وأوعى تدقق . أنا انسان عشت في عالم كله خيال وفجأة صحيت ولقيت نفسي بتحقق من العالم الجديد اللي كله براغيت ومفيهوش مفيد وأدينا بنصدق . بفكر أسافر وأروح مكان بعيد على جزيرة لوحدي ومعايا حبيبتي واعيش براحتي قاعد نايم خارج محدش يسألني ليه ورحت فين وجيت منين . وقفت احلامي وبدأت اصحى وأفوق واحس بالمسؤولية تجاه أهلي واسلامي ووطني العربي . مش هطلع برة أنا هقعد جوة وهجدد في الأرض وهبني مستقبل وأطور في العلم وأغير في العالم . بس ! بس ! السؤال بيعيد نفسه ! هل هغير في العالم وللا العالم هو اللي هيغيرني معاه ؟

محدش عارف الإجابة لأن أنا نفسي مش عارف . هرد على السؤال رد مصري ! ياعم حضارة ايه ونهضة ايه ومستقبل مين يا عم روح لم قرشين أحسنلك وعيش وملكش دعوة في ناس غيرك هتعمل حضارة مش أنت يا مفعوص اللي هتغير في يوم وليلة .

وقد قررت أني هعيش بس هغير ومش هغير ! يعني ايه ؟ يعني هغير في نفسي وأحسن في نفسي . يقوم جيل كامل يقلدني وسعتها هكون غيرت في وطني ووطني هيغير في العالم ونعيش في حب وسلام .

لو عملت تعريف جديد لشخصيتي بدل اللي كان مكتوب في أول بوست أنا كتبته : أنا اسمي محمد حنفي عندي 18 سنة في الأكاديمية البحرية هندسة كمبيوتر . نفسي افتح شركة تنافس شركات الكمبيوتر العالمية ونفسي أشتغل واجيب فلوس بسرعة . أنا هعيش في فلة . وهبني مسجد وهعمل عربية خاصة بيا وهكون شخص مهم في عالم الكمبيوتر إن شاء الله وحط مليار خط تحت إن شاء الله .

((((((((((((((من السهل أن تصادق ألف شخص في سنة لكن من الصعب أن تحافظ على صديقك ألف سنة))))))))))))

السبت، 3 أكتوبر 2009

الصدمة الأولى

يو يو يو هاي افري بادي أنا موهامد هانافي من aast انهردة كان فرست داي اروح فيه الكلية وبصراحة اتبصت آخر حاجة بس طبعا كانت انهردة الدعاوي بالهبل على اللي درسوني العلم بالعربي . اسوء حاجة انك بتدرس بالانجليزي كل حاجة وطبعا زي ما كلو عارف أنا دراستي كلها كانت عربي يعني ضايع ضايع طيب عملت ايه يا واد يا محمد ؟ أنا دخلت الجامعة على الساعة 8 وطلعت على الفصل (بالمناسبة كليتنا فصول مش مدرجات ) لقيت الفصل فاااضييي كله وإذ فجأة ألمح بطرف عيني وانا بلف راسي حاجة لونها بمبا رحت مدقق عيني لقيتها شابة قدي كدة ( فضلت تايه خمس دقائق لغاية ما خدت بالي إن احنا فصول مختلط مش زي السعودية ) فقلت أبدأ بالكلام
_سلام عليكم
_وعليكم السلام
(راح داخل شاب كمان وقعد جمبي )
فضلت قاعد قاعد ومفيش حد تاني والدنيا حر رحت قايم وشغلت التكيف بنفسيي اه والله بنفسي .
شوية وزهقت بجد رحت سائلهم هما الاتنين .
_ اسمك ايه
_ايمن
_وانتي اسمك ايه
_ هدير
_ وأنا محمد (بابتسامة واسعة المجال )

ثم وإذ فجأة يتدفق مصوورة من الذكوور كلهم في وقت واحد .
وأخيرا دخل علينا شاب كدة شكلو يدي 25 .
_ سلام عليكم أنا مستر حاتم جي بدل دكتورة مش عارف مين

المهم حضرت الحصة دي وخلانا نكتب عن نفسنا بالانجليزي (بالانجليزي خلي بالك وطبعا صاحبكو مييييييح )

طلعت واتعرفت على كام شاب كدة وقعدنا سوا في البريك مع خلودة حبيبي . دخلت بعد كدة فصل بس كبير في جواه فصلين كلهم ذكوووووووووووووووووووووووووووووووووووووووووووووووووووور فيه 4 اناث فقط . ياعم متركزش
دخل علينا رجل ضخم لا يعرف المستحيل ولابس بدلة راح قايل سلام عليك وكتب اسمو عالسبورة اللي بالطباشير أنا أول ما شفت هذا الدكتور اللبانة اتحشرت في زوري وفضلت أكح أكح لغاية ما الناس كلها بصت عليا واخيرا طلعت اللبانة وابتسمت ابتسامة تدل اني كويس ومتخافوش عليا .
قعد يشرحلنا مادة اسمها بالانجليزي اندستريال ريليشنز بس احسن حاجة الشرح بالعربي والكتابة بالانجليزي .
بعد ذلك دخلت فصل الميكانيكا وخدت كل اللي بكرهو ورجع الدكتور بيا للزمن القديم أيام ما كنت باخد فيزياء أيام أحسن أستاذ درسني فيزياء أستاذ أحمد قطب بس للاسف المصطلحات كانت بالانجليزي وصعبة ومختلفة .
وانتهى اليوم بهذا الشكل وقررت أحول لبزنس عشان اكتشفت أني في الباي باااي .
أشفكو الحلقة الجاية مع يوميات محمد أبو حنيفة .

الجمعة، 2 أكتوبر 2009

ويلكم تو تو تو تو تو تو جامعة

حبيب هارتي لولولولولي يا فرحة يا فرحة يا فرحاااااا يا حلولي يا حلولي وانجحنا السنادي عقبال كل السنييين يا دي الخيبة اللي شيلانا ووخدانا بعيييد ادخل ادخل ادخل ياااا رجلللل وكن فأرا قصدي أسدا لا لا لا ..... لا لا لا (أن السمااء ممطرة وطريقك مسدووود مسدوود مسدوووود )
ياااااااااه وبعد عناء كبير أوي أوي أوي بصراحة وجنوني بسبب شهادة الثانوية العامة وبعد ذلك فرحتي بإتمامها وبعد هذا زعلي على التنسيق وبعد ذاك فرحتي بدخول الكلية . غدا غدا هو يوم تاريخي بالنسبة للبشرية فعبقري الغبرة سيدخل السيرك يووه قصدي الجامعة . الأكاديمية العربية لعلوم البحار وهي أكاديمية لزيزة أوي فيها كل حاجة كللللل حاجة الكويس الوحش الطيب والشرير . طيب أقرفكو بقا بالكام سؤال بتوع كل مرة . هل هتكون كويسة ؟ هل هتأقلم بسرعة فيها ؟ هل هتعرف على بشر جداد ؟ هل هعرف ابحلق في اللي جمبي ( احم أصل في وحدة صديقة لمامي هناك ومرقباني كويس أوي ) كل هذا وأكثر عند شرائك غسالة فول وطعمية أوتوماتيك .

لقد أصابني القلق والاضطراب الشديد والرهبة من هذا الشيء الجديد . أنا فاكر أول مرة ماما ودتني المدرسة قعدت أعيط أعيط وتشلني وتسكتني وتسبني أروح معيط اعاايط وجابولي المديرة وأنا أعيط . وبعد كدة قلت لبابا : بابا أنا نفسي أبات في المدرسة .

بعد كدة رحت ابتدائي قلتلهم عايز أروح يردو بنفس جميل لا متروحش .
واعدادي قلتلهم سأقتل المدرسين جميعا .
أما ثانوي بابا ماما أنا هنتحر.
يا ترى يا هل ترى بكرة هرجع أقلهم ايه تقريبا هتوسل لوزير التعليم يحط سنة رابعة ثانوي .

ناس كتير هتقلي ليه الخوف يا حبيبي ؟ هرد بكل حنية ( عشاااااااااااااااان أنا ضايع في الجبر والهندسة والفيزياء وبذكائي اللا متناهي دخلت هندسة ) شفتو فرحتي .

عموما تومورو هرجع وأحكلكو كللللل اللي حصل

الأحد، 27 سبتمبر 2009

لالالالا مش أنا



لقد اكتشفت في بلدي أشياء لم أكن أعرفها ااا انا بتكلم فصحة ليه بقا اعدل اعدل اللسان اشطة .. بس اديني اتعدلت.
اكتشف أن الشعب متدااول عنده كلمة عادي كل ما اروح في حتة اسمع عادي عملت ليه عادي رحت فين عادي كلت ايه عادي بتكلم صحبك دلوقتي عادي انت بتحب اه عادي وهكذا طيب خلينا نتكلم بقا في موضوع عادي انا في الفترة اللي فاتت غيرت من نفسي كتير بعد ما عشت في السعودية كل العمر ده جيت هنا لقيت حاجات ومبادئ متعودتش عليها قد مقدرش أقولها لأن كل اللي حوليا فيهم ده . يمكن حياتي ممشيتش زي ماكنت متخيلها بس كل حاجة بتحصل بعرف إنو خير من ربي يعني أنا كنت ناوي أدخل إعلام بس جالي اداب الاسماعيلية وكان قدامي إعلام خاص دخلت علوم حاسب وبعدين فكرت ولقيت نفسي أدخل هندسة كمبيوتر مع إني بحب الرسم ففكرت أدخل فنون جميلة بس أنا مش بعرف أرسم بإيدي برسم على الكمبيوتر بس .
كنت عايز ادخل msa بس لقيتها بعيدة فقررت أني أدخل miu متقبلتش وأخيرا هدخل الأكاديمية البحرية إن شاء الله يا ترى هعيش إزاي وأنا مصدوم كدة بالناس والشعب احنا شعبنا شعب نكته نكته! أه والله نكته , مش مصدق أنا اخليك تصدق : وقفت تكسي وبقلو:

- سيتي ستار يا أصطة
- أتفضل
(ركبت ومفيش ثانية لقيتو بيقف لزبون تاني وراح مركبو وركب 3 معاه كمان واسمع بقا الحوار كان كالأتي وعلى فكرة كل ده كان من واحد فيهم بس )
- استنى يا أصطة في 5 هيركبو كمان
- نعم يا بيه
- هههه بهظر أطلع
- شفت يا حمدي حصل ايه امبارح خالد كلمني وقلي ما تيجي قلتلو مش قادر قالي تعال بس عندي ليك مفاجأة قلتلو لا يا عم قالي اختي معايا وعايزة تشوفك قلتلو 10 دقائق وأكون عندك ههههههه رحت لقيت حتة سحلية معضمة قالتلي اصل أنا خارجة كدة من رمضان بس هتخن إن شاء الله . قلتلها لا لالا اخوكي قالي انك شبه نانسي ورجلك هيفا تؤ مش ممكن تكوني كدة . ( طبعا أنا بسمع وبضحك في نفسي )
وبعد شوية بدأ تاني : بس هي بنت حلا ومؤدبة ومحترمة وقصيرة ههه اصل أنا احبها قصيرة لو طويلة ممكن ترزعني قلم كل يوم من اللي هتشوفو مني ههههه .
بعدها بثانية : بس هي حلوة حلوة يعني . ( مش ملاحظين ان حتة صاحابو مش بيتكلمو ) وأخيرا وبعد نص ساعة حوار فتح واحد منهم بقو : شفت البت سامية اللي عندنا في الشركة عملت كزة وكزة وكزة وكزة ( جاب كل اللي عندو عليها من يوم ما دخلت شركتهم ) وديني لأطفشها هي فاكرة نفسها مين يعني كل ما اشوفها تروح قايلالي مستر حسين حاميني ومش هتقدر تعملي حاجة .
نزلت من التكس وأنا بقلب الكلام في دماغي وأحاول أفتكره وأقلب فيه واجيبه يمين وشمال عشان احاول اعرف هي شركة أيه أدوية ولا موبايلات ولا يمكن موبيليا . هع هع
اذا بعد كل هذا نستنتج أن شعبنا شعب نكتة وبيحكي كل اللي في قلبو حتى لو ده يجرح الجميع المهم هو يقول اللي في نفسو .
ملحوووووظة كل مرة : انتظرو المفاجأة في البوست الجي .

الأحد، 20 سبتمبر 2009

واخيرا اتجرأت أخيرا انا دلوقت هعلي صوتي علييييييك

صباح الفل لأحلى قراء انهردة العيد كل سنة وانتو طيبين عموما أنا كويس وبخير ومنتحرتش الحمد لله طيب نبدأ كلامنا بالعناوين
الكلية
اخباري وجوباتي
اعتراف بسيط
واخيرا خبر حلو

استقبل محمد حنفي وزي......... نو احنا بنقول الخبر بشكل مختلف بص بقا ياض انت وهو حقا كدة بالسلاتو عالنبي أنا ايه قبلوني في كلية اداب وعلوم انسانية الاسماعيلية . ظلمة ظلمة ظلمة أنا كنت عايز زراعة تؤ اصل الملف كان شفاف خالص وبيبين اللي تحتو يمكن شافو رغبات اللي بعدي وللا حاجة .

انا زي ما قلتلكو كويس الصدمة خفيفة مع ترك بعض الخدوش والجروح في مناطق حساسة أوي أوي ( بلاش قلة ادب أنا قصدي مخي ) وبعض الحزن والأسى على أصقائي الشطار الدحاحة عشان النتايج بتاعتهم زي الزفت .

أما عن الأعتراف فا انا بعد أن كتبت كل هذا الكم من التدوين فأنا اعترف أني لولا الله ثم د \ غادة عبد العال مؤلفة أنا عايزة أتجوز مكنتش كتبت حاجة هنا عشان انا بعتبرها معلمتي الأولى في عالم التدوين .

اخيرا الخبر الآخير وهو مرتبط بالأول أنا من انهردة يتقلي يا بشمهندس محمد عشان انا غالبا هروح الأكاديمية البحرية هنسة كمبيوتر

وياربت نشوف الكومنت على الصفحة نفسها عشان الكل يستفيد

الخميس، 10 سبتمبر 2009

ويلكم تو ايجبت 3

بقالي أكتر من شهر في مصر وبلف ودور على المكاتب وأروح مكتب التنسيق وبعد كدة قالولي النتيجة بعد اسبوع استنيت الإسبوع ده ومطلعتش النتيجة قالولي لا كمان اسبوع قلنا مااشي عديها مهو عقبال ما يشوفو الجرمء اللي جي من بلاد العالم ماشي. ويمر هذا الإسبوع عليا مرور السنة . وبعدين قالولي لا النتيجة الأربع اللي جي يعني دخلت في الأسبوع التالت وأدي انهردة الأربع و بببب مفيش حاجة .

طيب وصف الحالة النفسية اللي أنا فيها :

زهقان قرفان طهئان زعلان مضايق طلعان عيني وعين أمي وعين أبويا وعين اللي خلفوني وعين جاري وعين العيلة وعين البواب وعين السواق وعين بتاع الفول وعين اللي مشيين في الشارع وبعدين مخنوق هنفجر وأموت وأتحول إلى أشلاء متطايرة في الهواء مع قليل من البكاء لأني لسة متخانق مع حد عزيز عليا وبعدين شوية عصبية يتبعها رغبة في الجلوس بمفردي في البيت ومن ثم الرغبة في ضرب كل العيال اللي حوليا و حاسس اني هتحول لمستر هالك أو انكردبل واقتل كل البشر وأدخل الحمام لا مؤاخذة عشان أرجع . قرفتكو صح سوري .

المهم بعد كل الرغبات دي أنا قاعد قدام شاشة اللاب توب اللي مطلع عين الناس اللي كتبتهم فوق مع عين مهندسين الكمبيوتر بتوع مصر بكتبلكو الكلام اللي ملوش لزمة ده وفاتح موقع التنسيق وكل شوية أعمل ريفريش وياريت حاجة تحصل .

طيب أما بالنسبة لحالي فا أنا بدأت أتحول إلى كائن مصري مية في المية وبدأت أتقن لغة الحوار في الشارع والبيت وكل حتة .

أما بالنسبة للملل فا ده طلع مش في السعودية بس لا ده هنا كمان يمكن مش بشكل متوسع زي هناك بس موجووود.


ملحووظة : لو مكتبتش حاجة خلال الأربع أيام اللي جيا أعرفو إني ولعت في نفسي .

السبت، 29 أغسطس 2009

ويلكم تو ايجبت 2

أنا مشترك مع فريق مجددون (صناع الحياة مدينة نصر ) فا بننزل مشروع اسمو انسان لمكافحة التسرب في التعليم .
نزلت أنهردة معاهم بحث حالة لمنطقة من العشوائيات اللي فيها عشش .
أولا أن اتعلمت حجات كتيير من صناع انهردة يمكن من أهمها إني حسيت بالناس الفقراء وعرفت إن العشوائيات بتاعت الأفلام دي كدب وأي كلام ولا تمس بالواقع بأي صلة , اتعلمت أركب مواصلات في بلدي , اتعلمت اتكلم مع الناس وأقنعهم إزاي , وحجااااات تانية كتير .
نزلت من الساعة 11 الصبح رحت على الجمعية ومن هناك رحت مع التيم بتاعي بالمكروباص على حتة اسمها المساكن وبعدين من هناك رحنا جسر السويس عند حديقة اسمها بدر , دخلنا المنطقة المطلوبة في البحث ولفيناها عشة عشة طبعا ناس مش عايشة أنا قلت الحمد لله يا رب على نعمتك بصراحة حاجة صعبة جدا . جت في دماغي مقارنات كتير من ضمنها ناس عايشة عشان تصرف وناس بتصرف عشان تعيش ناس بتفطر فول وجبنة وناس بتفطر عيش مش مدعم ناس بتشرب كبتشينو وناس بتشرب مية ملوثة ناس بتركب عربية وناس اخرها تدفع أجرة مكروباص ناس بتلبس كل يوم وناس مش عارفة تدفا عند النوم ناس بتعيط عشان الحب وناس بتعيط من الذل ناس بتدرس في جامعة امريكية وناس اخرها محو أمية ناس بتتعب عشان القرش وناس بتصرف بالفيزا كرت ناس وناس وناس الحمد لله على كل حال وربنا يفك كربهم ويزيل حزنهم ويمحي دمعتهم امين امين امين .



ملحوووظة : رجعت الساعة 4 ونص البيت ومكنتش شايف قدامي وعلى فكرة أي حد عايز يجي مجددون يتفضل احنا ورا قويدر اللي في عباس العقاد .

ملحوظة كمان مش هكتب كدة تاني هرجع لإسلوبي القديم

الأحد، 23 أغسطس 2009

ويلكم تو ايجبت 1

وصلت إلى بلدي الحبيب المليء بالزبيب والدقيق والذرة وإذ بأولاد خالتي مستنيني في مطار القاهرة العظمى روحت معاهم على مدينة نصر سيتي بيتنا يعني من الأخر وإديلو نووم يا معلم مقدرتش أستحمل لأن بقالي 3 أيام مبنمش عدل , صحيت وفتحت عنيا على نور الصبح الضارب في نني عنيا الإتنين وبدأت الطقوس المصرية الطبيعية وهي تجمع الأهل على طرابيزة وحدة على الفطار ويكون الفطار الطبيعي فووووول وبيييييض وجبنة بعد ما كنت بفطر تونة وسوسيس وسعات ساندوتش جبنة ولانشون .

الحياة هنا في مصر مختلفة تماما انت هنا بتعيش عشان انهردة وبس مبتبصش قدامك أما هناك برتب للحاجة قبلها بفترة .الدنيا في بلدنا الحبيبة زحمة جدا وده نظرا لزيادة عدد السكان كل 5 ثواني عيل .بس لازم أتعايش مع المحيط والجو اللي أتفرض عليا وخصوصا إني هعيش هنا على طول بقا وأهلي هيرجعو السعودية .عايز تمشي هنا بسرعة وتخلص أمورك تحط مع أي حاجة عايزها جنيه تلاتة بالكتير .بقالي في مصر شهر بدأت أعتمد فيه على نفسي بشكل كبير وبقيت أروح وأجي طبعا لسة محفظتش الشوارع ولا بقيت أعرف أركب ميكروباصات بس أهو ماشي حالي .

بس أكتر فرق حسيتو بين هنا وهناك هما الشباب أنا عرفت الشاب في مصر قليل لما يصلي ليه لأن أصلا بيسمع الأذان بالعافية والبنات بقا طالعينلي بموضة جديدة اللي هيا بدي مش عارف ايه تلبس كله محزق وملزق ومبين كل تفاصيل جسمها المملة وبعدين بسم الله ما شاء الله محجبة على ايه بقا. عموما مليش دعوة يولعو لحسن تكونو فاكرين إني متشدد لا لا لا أنا منفتح لأبعد الحدود .
مشيت في الشوارع وبعدين الحواري وكنت كل ما أعدي في حارة أعيط وأقول ليه كدة يا ربي ليه الناس دي عايشة كدا يا رب أرزقهم وأفتح عليهم من عندك.

رحت قدمت في التنسيق الحكومي بس النتيجة بعد اسبوعين وقدمت في الأكاديمية البحرية والله أعلم ايه اللي هيحصل بس اهم حاجة يا خوننا تدعولي من قلبكو.

وعلى رأي الأغنية الحياة حلوة بس نفهمها .

ليدي أند جينتل مان يللا بلا باي تابعو بقيت ويلكم تو ايجبت ...................................

شكرا ليك وشرفت يا باشا

.

كلمات مفتاحية

مدونة بلوج تدوين مصر مصريين شاب شباب كائن بلوجات بلوج بلوجر بلوجز تدوين عربي أفتخر أنا هنا أضحك أدب ساخر أدب عربي مصري القاهرة العرب الناس ادب كليات مغتربين مغترب في الخارج مسلم جديد جديدة طريقة

blog bloger blogs modawna tadween lol egypt egyptian cool new