قوليلي مين اللي هيبني فيكي ويحمي أرضك ويطور فيكي ويعيش ويتعايش مين قوليلي مين ؟؟؟؟
يا بلدي ملكيش غيرنا وملناش بلد غيرك مين اللي هياخدنا في احضانو غيرك يا بلدي مين ؟؟؟؟؟
قالولي سيبها قلتلهم واسيبها لمين قالولي هاجر وكبر يا عم هي كانت عملتلك حاجة ما انت مش فارق معاها قلتلهم واسيبها لميين
قالولي اشتغل برة عشان تعرف تعيش قلتلهم واسيبها لمين ؟؟؟؟؟
قالولي هتعمل فيها ايه يعني قلتلهم هرجع التاريخ وهمشي في الطريق لغاية الاخر وهديها من حياتي حياة وهكبر وقت الصلاة وهفدي حبها وهساعد الغلابة ومين اللي هيبقى شوكة في حلق كل شخص بيفكر يدمرها أو ياخدها اسيبها لميييييييييييين
لو قلتلي يا عم هو انت لوحدك يعني اللي هتحميها وهتقعد على تلها هقلكو لو انا الشاب الصغير اللي لسة مبدأت حياتي سبتها وكل اللي زيي سابوها امال هنسبها لمين هنسبها للناس العواجيز اللي بصعوبة اصلا بيحمو نفسهم لما هيحمو بلد مظنش ...... وبرضو هكرر سؤالي طب نسيبها لمين مفيش بيبي سيتر حتى هيرضى يقعد معاها الناس الوحيدة اللي ممكن يرضو نسيبها معاهم هما الناس اللي عايزين ياخدوها عافية مننا علشان يدمروها ويخربوها .
احنا ولادك يا مصر ومفيش شعب ممكن يحميكي قد شعبنا بس انتي متنشفيش دماغك معانا ابوووووووووووس ايدك
ملحوظة : بحبها وهفضل احبها بحلوها ومرها غصب عن عين اللي خلفو اي حد عايزني اكرها :) :) :) :) :)
هناك 4 تعليقات:
يا ابنى مين اللى يقدر يمنع حب حد لاى حد؟
الحب اصلا فى القلب ومش باين ...لكن ممكن تظهره ويكون مش حقيقى وممكن تخبيه ويكون اقوى بكتيييير...الحب ماينفعش بالكلام لكن ينفع ويظهر وقت الحاجه اليه...والسلام
اللى فات
جميلة جدا يا فنان اسيبك لمين
فعلا من الصعب ان نترك مصر رغم كل الظروف والعقابات لا نستطيع ان نبعد ولو شبر واحد
مشكور ومدونتك جميلة
تقبل مرورى
ياريت تشيل التاكيد على الكلمة ليكون التعليق اسهل وشكرا
شكرا يا هبة عالتعليق الجميل ده واتمنى اني استاهلو بجد وياريت نشوفك على طول هنا :) على فكرة انا مكنتش عارف انها ممكن تتشال بس تم بحمد الله وطيرتها من هنا :)
إرسال تعليق